Тема: Халкымның күңел байлыгы.

Максат: 1. Г.Бәшировның “Туган ягым – яшел бишек” автобиографик повестен өйрәнүне йомгаклау.

2. Б.с.ү. Сочинение язарга әзерлек.

3. Кешенең күңел байлыгының асылына төшенү.

Җиһазлау: язучының портреты, стенд “Милли бәйрәмнәребез һәм йолаларыбыз”, Л.Фәттаховның “Сабантуй”, “Яңа буралар” картиналары, чигелгән сөлге, кулъяулык, дәреслек.

Тактада: “...Халыкның иң зур байлыгы, иң кадерле рухи хәзинәсе, һичшиксез, аның теле”. Г.Бәширов.

Дәрес барышы.

1. Оештыру, сәламләү.

Укытучы: Очрашканда кешеләр –

                  Олылар һәм кечеләр –

                  Бер-берсен сәламлиләр:

                  “Исәннәрмесез”, - диләр.

Очрашсалар бик иртә,

Бик матур теләк әйтә.

Нинди теләк? Кем әйтә?

Ул сүз: ... (Хәерле иртә.)

                  Күрешсәләр көндезен

                  Кышын, җәен, яз-көзен.

                  Нинди теләк әйткәнен

                  Кем белә? ... (Хәерле көн!)

Ә бабамның сәламен

Ишетеп белә һәркем.

Сәлам бирә ул һәр көн:

... (Әссәламегаләйкем!)