Понедельник, 10.12.2018, 11:48
Приветствую Вас Гость | RSS
Главная | Дневник | Регистрация | Вход
Меню сайта
Разделы дневника
Дневник сайта [4]
Проза [6]
Поэзия [4]
Сочинения [22]
Наш опрос
Какой школьный предмет вам больше всего нравится (нравился)?
Всего ответов: 388
Форма входа
Календарь
«  Март 2008  »
ПнВтСрЧтПтСбВс
     12
3456789
10111213141516
17181920212223
24252627282930
31
Поиск
Ссылки
Статистика

Онлайн всего: 1
Гостей: 1
Пользователей: 0
Физика Информатика Астрономия Татар теле Технология
Главная » 2008 » Март » 13 » "Языйк әле Сталинга"
"Языйк әле Сталинга"
11:26

Языйк әле Сталинга

 

Тегүче Минниса карчыкны авылда бел­мәгән кеше юк.

Әгәр аның өенә төш вакытында яки кич-кырын барып керсәң, кече ягындагы, ягъ­ни кухнядагы төтенгә аптырап каласың. Ә төтен йомры тимер мичтән чыга. Шунда аш пешә, шунда чәй кайный. Казан астына ягу юк - утын күп китә.

 
Төтен төтен инде ул, тимер мичне тома­лагач таралыр да бетәр, ә менә өе өстенә ишелсә, нишләрсең? Олы яктагы матча­ның баш-башларында - терәү, тәрәзә аслары да урам яктан терәтелгән.

Өйне сипләтү нияте белән 1947 елны ук йөри башлады Минниса апа. Әмма «Молотов» исемендәге колхоз рәисе дә, Биклән авыл советы рәисе дә, балта оста­лары һәм бүрәнә юклыгын сылтау итеп, ярдәм кулы сузарга ашыкмады. Чаллы район башкарма комитетыннан да җылы тын чыкмады.

 
Инде 1948 елның феврале килеп җитте. Өй һаман кыеш-мыеш тора. Ярдәм итәр кеше юк. Олы улы Әдһәм сугыш кырла­рында ятып калды, ә кече улы Әгъдәм Бухарметов Польшада хезмәт итә иде. Кыскасы, бу йортта Минниса карчык үзе баш, үзе түш. Инде йөреп-йөреп тә рәт чыкмагач, көннәрдән беркөнне ул мине чакырды да: «Әйдә Сталинга языйк әле, Рәшит, бәлки файдасы тияр», - диде.

- Икебезне дә тотып япмаслармы соң? - дидем мин аңа каршы.

- Синең белән мин кирәк ие ди анда!

Көлештек тә изге эшкә керештек. Әл­бәттә, башта Бөек Ватан сугышында җиңүне тәэмин иткәне өчен рәхмәтебезне белдердек. Аннан соң гына, борчуыбыз өчен гафу үтенеп, төп мәсьәләгә күчтек. Шунысы истә калган: хатта без җирле хакимият җитәкчеләренең исем-фамилия-ләрен атамадык, урындагы җитәкчеләр дип кенә күрсәттек. (Аларны тегендә алып китсәләр, нишләрсең, Рәшит гаепле була бит, Аллам сакласын!)

 
Хатны язып бетергәч, кычкырып укы­дым, өстәмәләр, төзәтүләр дә керттек. Икебезнең дә баш йомры ич: Минниса апа Коръәнне гарәпчә рәхәтләндереп укый, ә мин Алабуга китапханә техникумының икенче курс студенты. Хатны гарәп хәреф­ләре белән яздык.
 
Ул көннәрдән соң ярты гасыр вакыт узса да, искә төшереп, гаҗәпләнеп куям: өч тиенлек марка ябыштырып Алабугадан салган хат җил-яңгыр тимичә ничек ия­сенә барып ирешкән? Әллә юлбашчыга адресланган хатка кагыласы булмагыз, дип өстән кисәткәннәр микән? Әллә гарәп хәрефләре белән язылганга, хуҗа үзе укыр әле, дип конвертны ачып та, кире салып куйганнармы?
 
Хатның эчтәлеген Сталинга җиткергән­нәрдер дип тулы ышаныч белән әйтә алам, юкса, аны язганнан соң ике ай чамасы ва­кыт узгач, тол карчыкны өйле итмәсләр иде. Кырмыска оясына таяк тыккандай балта осталары да йөгереп килде, бүрәнә­ләр дә табылды.
 
Хат язган өчен миңа энәле-чәнечкеле сүзләр ирештермәделәр ирештерүен. Шу­лай да «Молотов» исемендәге колхоз рәисе Минниса апаны чакыртып: «Нишләп Юныс абзый малае юлбашчыбызны бор­чып хат язды икән?» - дигән.
 
Ул чордагы Кремль җитәкчеләренең ха­лыкка файдалы гамәлләре дә күп булды, бу турыда онытмаска кирәк. Ә хәзерге сәясәтчеләр, Кремльдәге бүгенге җитәк­челәрнең дәрәҗәсе артсын дип, узган гасырдагы җитәкчеләрне гел кара буяу­ларга манып күрсәтәләр.
Категория: Проза | Просмотров: 967 | Добавил: Admin | Рейтинг: 0.0/0 |
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Сделать бесплатный сайт с uCozCopyright MyCorp © 2018 сайт Биклянской СОШ с.Биклянь. При полном или частичном использовании материалов сайта ссылка на biklyan.ucoz.ru обязательна. Дизайн: UcoZ-Design